Palestina tert

Bestanddele

·         1 pakkie Marie-beskuitjies

·         1 koppie botter

·         2 eetlepels suiker

·         2 eetlepes fyn kaneel

·         Sap van 1 suurlemoen

·         Sap van 1 lemoen

·         1 eier

·         1 blik gekondenseerde melk

Aanwysings

1.       Rol die beskuitjies fyn en voeg suiker en kaneel by.

2.       Voeg die botter by en meng, druk in ‘n gesmeerde tertbod vas.

3.       Klits gekondenseerde melk, eier geel en sappe saam en vou die styfgeklopte eierwit in.

4.       Gooi die mengesel in die tertkors en bak in teen 200⁰ C vir 10 minute.

My mooi land

Boere-ontbyt

Bestanddele

·         4 koppies gaar artappelblokkies

·         ½ koppie gekapte groenrissie

·         2 eetlepels gekapte ui

·         ⅓ koppie kookolie

·         1 teelepel sout

·         ¼ teelepel peper

·         4 eiers

·         1 koppie kaasblokkies

Aanwysings

1.       Gebruik ‘n plat oondskottel en braai die artappels, rissie en ui in warm olie.

2.       Geur met sout en peper.

3.       Maak 4 holtes in die mengsel en breek in elke holte ‘n eier.

4.       Strooi die kaasblokkies oor en steek in die oond net totdat die eier gestol en die kaas gesmelt is.

Vir die vrou

My mooi land

Gemmerbier

Bestanddele

·         4.5 l water

·         5 koppies suiker

·         1 koekie suurdeeg

·         1 bottel Jamaicagemmer

·         ½ eetlepel wynsteensuur

Voorbereiding

1.       Meng al die bestanddele goed en gooi in bottels

2.       Plaas bottels se proppe op en laat staan

3.       Kan na 12 ure gebruik word.

Mooi goed

My mooi land

Tropiese-vrugteslaai

1.       Sny ‘n pynappel in die lengte deur.

2.       Skep die vleis uit.

3.       Maak ‘n vrugteslaai van pynappelballetjies lemoenskyfies, druiwekorrels, appelblokkies en piesangskyfies.

4.       Doop die appelblokkies en piesangskyfies in suurlemoensap om verkleuring te voorkom.

5.       Vul die halwe pynappels met die vrugteslaai en gooi 1 eetlepel sjerrie oor elke bakkie slaai.

My Mooi Land

Portugese kalfssvleis

Bestanddele

·         Knoffelsout na smaak

·         4-6 dun snytjies kalfsvleis

·         Vars gemaalde swart peper

·         1½ eetlepel botter en olie, gemeng

·         Sampioene, in skywe gesny

·         1 eetlepel tamatiepuree

·         ½ eetlepel tamatiesoous

·         1 eetlepel vrugte blatjang

·         1 eetlepel medium sjerrie

·         1½ eetlepel water

Metode

1.       Geur die kalfsvleis met varsgemaalde peper en knoffelsout.

2.       Braai dit dan liggies in die botter en olie in ‘n groot braaipan totdat dit aan albei kante ligbruin is.

3.        Kook al die ander bestanddele  5 minute lank saam in ‘n klein kastrolletjie terwyl die kalfsvleis gaar word.

4.       Giet dan die  sous oor die vleis en laat dit 1 minuut lank stadig kook.

5.       Sit dit op ‘n vleisskottel voor met fyngekapte pietersielie bo-oor gestrooi.

6.       Sit rys, spruitkool of groenbone, en ‘n slaai daarby voor.

Glorious Food for U

My mooi land

Kerrie skaapvleis

Bestanddele

·         450 g skaapnek

·         2 klein uie

·         3-4 tamaties

·         110 g  rys

·         28 g vet

·         2 gelykvol  teelepels kerriepoeier

·         Knippie sout

Metode

1.       Sny die vleis in 2,5 cm blokkies.

2.       Skil en sny die ui en tamaties in skywe.

3.       Verhit die vet in ‘n vuurvaste oondskottel en braai ui daarin totdat dit goudbruin is.

4.       Voeg die kerriepoeier en sout by en daarna die vleis.

5.       Braai die vleis totdat dit bruin is .

6.       Voeg die tamaties en ‘n bietjie water by, indien nodig.

7.       Prut vir 1 ½ uur.

8.       Voeg water by, indien nodig

9.       Bedien met gaar rys.

My mooi land

Gamkaskloof in die Wes-Kaap

Piesangroom

Bestanddele

·         4 teelepels vlapoeier

·         4 teelepels bruinsuiker

·         1 koppie melk

·         2 sponskoeke

·         4 eetlepels suurlemoensap

·         2 piesangs

Metode

1.       Meng die vlapoeier en die suiker met 4 eetlepels van die melk.

2.       Verhit die oorblywende melk tot kookpunt  en gooi oor die aangemaakte vlapoeier.

3.       Meng goed en gooi terug in die kastrol.

4.       Kook stadig vir 2 minute, terwyl  aanhoudend geroer word.

5.        Laat afkoel.

6.       Breek die sponskkoek in stukkies in 2 nageregbakkies.

7.       Gooi 2 eetlepels suurlemoensap oor die koek en laat staan vir 5 minute.

8.       Skil die piesang en sny in skywe.

9.       Sprinker oorblywende suurlemoensap daaroor.

10.   Rangskik die piesangskyfies oor die koek, maar hou ‘n paar skyfies uit vir versiering.

11.   Gooi die verkoelde  vla oor die koek en versier met die piesangskyfies.

My mooi land

Kaassop

Bestanddele

·         1 blikkie sampioenroomsop

·         1 koppie water

·         55 g gerasperde kaas

·         Knippie swart peper

·         Worcestersous

Aanwysings

Roer die sop en water in ‘n kastrol totdat dit glad is. Voeg die oorblywende bestanddele by. Verhit en roer totdat die kaas gesmelt het. Voeg ‘n bietjie worcestersous by  na smaak.

Pragtige Suid-Afrika

Hartbeespoort Dam

Oorskiet skaapboud-gereg

Bestanddele

·         3 preie, gewas en in skyfies gesny

·         ½ 423 g blikkie sop

·         Oorskiet skaapboud-vleis in blokkies gesny

·         ½ soetrissie

·         ½ eetlepel souspoeier

·         Sout en peper

Aanwysings

1.       Sit die prei en gekapte soetrissie in ‘n bietjie kookwater en kook vir 5 minute.

2.       Dreineer.

3.       Gooi die sop in ‘n kastrol en voeg al die bestanddele, behalwe die vleis by.

4.       Roer aanhoudend en laat 5 mminute kook.

5.       Voeg’n bietjie water of melk by as dit te dik is.

6.       Voeg nou die vleis by en verwarm.

7.       Bedien dadelik met rys.

Mooi Suid-Afrika

Sonsopkoms, Barberspan in Noordwes

Tuna–appelslaai

Bestanddele

·         1 kkoppie gevlokte tuna

·         ¼ koppie selderyskyfies

·         ¼ koppie appelblokkies

·         ¼ koppie mayonnaise

·         Sout en peper

·         Knypie rooipeper

Aanwysings

1.       Meng die vis, selderyskyfies, mayonnaise, sout , twee soorte peper en appelblokkies.

2.       Om verkleuring te voorkom, gooi suurlemoensap oor onmiddelik nadat die appel gesny is.

3.       Verkoel en bedien op vars slaaiblare.

Mooi Suid-Afrika

Naby Waterval Boven (Mpumalanga)

Gebakte klapperpoeding

Bestanddele

·         55 g vars broodkrummels

·         28 g botter

·         280 ml melk

·         Gerasperde suurlemoenskil

·         2 teelepels konfyt

·         140 g strooisuiker

·         2 eiers

·         2 eetlepels klapper

Aanwysings

1.       Meng die broodkrummels, 2 eetlepels suiker,k lapper en suurlemoenskil in ‘n bak.

2.       Verhit die melk en botter en gooi oor die droë bestanddele.

3.       Laat staan vir 5 minute.

4.       Voeg die geklitste eiergele by en gooi in ‘n gesmeerde, vuurvaste skottel.

5.       Bak in ‘n matige oond by 180⁰C vir 20 minute, totdat dit styf is.

6.       Klits die eierwit styf en klits diehelfte van die oorblywende suiker in.

7.       Vou die orige suiker in.

8.       Smeer konfyt oor die poeding en skep dan die meringue-mengsel oor.

9.       Bak in ‘n stadige oond by 150⁰C totdat dit begin bruin word.

Mooi Suid-Afrika

Tierkloof Wandelpad

Tongvis in wit wyn

Bestanddele

·         Helfte van ‘n pakkie bevrore  tongvismootjies

·         ½ ui, dun skyfies gesny

·         1 eetlepel botter

·         ½ koppie wit wyn

·         ½ eetlepel asyn

·         110 g sampioene

·         Sout en peper

Aanwysings

1.       Plaas al die bestanddele behalwe sampioene en ½ eetlepel botter in ‘n dikboomkastrol.

2.       Sit die deksel op en stowe 10 minute.

3.       Soteer intussen die sampioene in die orige botter, voeg by die stoofgereg en voeg meer wyn by, indien nodig.

4.       Bak 10 -15 minute lank sonder deksel in ‘n warm oond by 200⁰C.

Pragtige Suid-Afrika

Royal Natal Spa

Bros gebakte hoender

Bestanddele

·         2 hoenderkwarte

·         Sout

·         2 opgehoopte eetlepels meelblom

·         Melk

·         2 klein pakkies aartappelskyfies

Aanwysings

1.       Vryf die hoender in met die sout en bedek met die meel.

2.       Rol die aartappelskyfies fyn op ‘n stuk waspapier.

3.       Doop die hoender in melk, dreineer en bedek dit dan met aartappelskyfiekrummels.

4.       Sit die stukke hoender met die velkant na bo op ‘n bakplaat en bak in ‘n voorverhitte oond by 180⁰ C vir 40- 45 minute of totdat die hoender sag is.

5.       Bedien warm saam met groente of koud saam met slaaie.

Pragtige Suid-Afrika

Mount Sheba - Mpumalanga

Besonderse hoenderslaai

Bestanddele

·         ½ slaaikop, gesnipper

·         225 g gaar hoenderblokkies

·         ½ vars pynappel, blokkies gesny

·         ¼ koppie rosyne

·         1 eetlepel blatjang

·         ½ eetlepel klapper

·         ¾ koppie mayonnaise

·         1 eetlepel  kerriepoeier

Aanwysings

1.       Meng  hoender vleis , pynappel en blaarslaai.

2.       Strooi rosyne en klapper oor.

3.       Roer die blatjang in die mengsel.

4.        Voeg  die kerriepoeier  by die mayonnaise en meng deeglik.

5.       Gooi oor die vleismengsel, meng  en verkoel.

Pragtige Suid-Afrika

Gariep Dam

Lamsbredie met boontjies

Bestanddele

·         340 g stowe lamsvleis

·         1 klein ui

·         1 eetlepel vet of olie

·         1 klein blikkie boontjies in tamatiesous

·         1 teelepel tamatie pasta

·         1 eetlepel tamatie sous

·         1 eetlepel Worcesterhire sous

·         ¼ teelepel gemengde kruie

·         Knypie knoffelsout

·         Sout en varsgemaalde peper na smaak

Aanwysings

1.       Braai die vleis en die gesnyde ui liggies in die vet of olie totdat dit ligbruin is.

2.       Plaas in ‘n oondskottel met ‘n deksel en gooi die ander bestanddele bo-oor.

3.       Maak die skottel toe en bak dit 2 uur lank, of totdat die vleis sag is, in ‘n matige oond by 180⁰ C.

4.       Sit dit met ertjies of slaai, en kapokaartappels voor.

Hier is 'n mooi foto eie aan Suid-Afrika